Samkaup bætir upplýsingaflæði með skjákerfinu Signital

Vel heppnaðar markaðsherferðir

Samkaup nýtir upplýsingaskjái til að styrkja ásýnd sína í verslunum með því að samhæfa markaðsskilaboð og keyra áhrifaríkar markaðsherferðir. Gaman er að nefna þeirra nýjustu hátíðarherferð sem hét Appdagatalið þar sem Samkaup bauð upp á ýmis tilboð í verslunum sínum sem birt voru á auglýsingaskjám. Árungurinn af þeirri herferð var gríðarlegur þar sem margar vörur á tilboði seldust upp strax í byrjun dags.

Skipulagning efnis fram í tímann

Að halda utan um upplýsingaskjái í um 60 verslunum getur verið flókið verk. Samkaup þurfti að reiða sig á þjónustu þriðja aðila til þess að sjá um upplýsingaskjái sína með tilheyrandi kostnaði, vinnu og tíma. Með tilkomu Signital getur Samkaup nú séð um alla sína upplýsingaskjái þar sem hvaða starfsmaður sem er, hvar og hvenær sem er, getur stýrt birtingu á skjám í öllum verslunum þeirra. Albert Þór Kristjánsson, forstöðumaður í upplýsingatækni og stafrænni þróun Samkaupa, segir tilkomu kerfisins hafa verið mikla hagræðingu fyrir verslanir Samkaupa sem dregið hafi úr umstangi og kostnaði við upplýsingaskjái.

Einfaldara utanumhald og hagræðing í rekstri

Albert segir kerfið vera gríðarlega einfalt í uppsetningu og viðhaldi þar sem hver sem er geti lært á kerfið og séð um að viðhalda því. Einn af bestu kostum kerfisins er möguleikinn að geta unnið fram í tímann með því að skipuleggja birtingar í kerfinu fyrifram. Þannig þarf starfsfólk ekki að vera stressa sig á að vera tilbúð að birta markaðsefni á skjám félagsins í tíma og ótíma og kerfið sér um að birta efni á tilætluðum tíma.

Betra upplýsingaflæði til viðskiptavina og starfsfólks

Spurður hvort Signital hafi bætt upplifun viðskiptavina segir Albert: „Eftir að við fórum að nota Signital hefur það bætt upplýsingaflæði til viðskiptavina inni í verslunum og mun bæta upplýsingaflæði til starfsfólks í innri markaðssetningu.“

Fyrirmyndarþjónusta frá Signital

Samkaup segist vera gríðarlega ánægt með þjónustu Signital og að brugðist sé hratt við fyrirspurnum og beiðnum um aðstoð.